ಜೀವನಯಾನ: ಹುಟ್ಟು–ಸಾವಿನ ನಡುವೆ ಬದುಕು ಹೇಗಿರಬೇಕು? (Jeevana Yaana) – Balakrishna D. Karanth | Inspirational & Spiritual Kannada Book

ಹುಟ್ಟಿನಿಂದ ಸಾವಿನವರೆಗಿನ ಅವಧಿ ಬರಿ ಜೈವಿಕ ಪ್ರಕ್ರಿಯೆಯಷ್ಟೇ ಅಲ್ಲ, ಅದನ್ನು ಮೌಲ್ಯಾಧಾರಿತವಾಗಿ ಜೀವಿಸುವುದೇ ನಿಜವಾದ ‘ಬದುಕು’. ಬಾಲಕೃಷ್ಣ ಡಿ. ಕಾರಂತ ಅವರು ರಚಿಸಿರುವ ‘ಜೀವನಯಾನ‘ ಕೃತಿಯು ಮನಸ್ಸಿಗೆ ನೆಮ್ಮದಿ ಮತ್ತು ಜೀವನಕ್ಕೆ ಸ್ಪಷ್ಟ ದಿಕ್ಕನ್ನು ನೀಡುವ ಅತ್ಯುತ್ತಮ ಆಂತರಿಕ ಪಯಣದ ಕೈಗನ್ನಡಿಯಾಗಿದೆ. ಈ ಪುಸ್ತಕದಲ್ಲಿ ಜೀವನದ ಪ್ರಕೃತಿ ನಿಯಮ ಹಾಗೂ ಸವಾಲುಗಳನ್ನು ಸ್ವೀಕರಿಸಿ; ಜ್ಞಾನ, ತ್ಯಾಗ, ಸೇವೆ ಮತ್ತು ನಿಷ್ಕಾಮ ಕರ್ಮಗಳ ಮೂಲಕ ಸಂಸಾರ ಚಕ್ರವನ್ನು ಅರ್ಥಪೂರ್ಣವಾಗಿಸುವುದು ಹೇಗೆ ಎಂಬುದನ್ನು ಆಧ್ಯಾತ್ಮಿಕ ಲೇಪದೊಂದಿಗೆ ವಿವರಿಸಲಾಗಿದೆ. ಬದುಕಿನ ರಹಸ್ಯ ಕಲೆಗಳು, ಜೀವನ ಕೌಶಲಗಳು ಹಾಗೂ ವೈಚಾರಿಕ ಚಿಂತನೆಗಳನ್ನು ಒಳಗೊಂಡ 14  ಸ್ಫೂರ್ತಿದಾಯಕ ಲೇಖನಗಳ ಜೊತೆಗೆ, ಕೊನೆಯ ಎರಡು ಅಧ್ಯಾಯಗಳನ್ನು ಪುರುಷೋತ್ತಮ ಶ್ರೀ ರಾಮನ ಆದರ್ಶಗಳು ಮತ್ತು ತತ್ವಗಳಿಗಾಗಿ ಮೀಸಲಿಡಲಾಗಿದೆ.

ಅರ್ಥಪೂರ್ಣ ರೇಖಾಚಿತ್ರಗಳೊಂದಿಗೆ ಸುಂದರವಾಗಿ ಮೂಡಿಬಂದಿರುವ ಈ ಕೃತಿಯು ಸೋಲಿನಿಂದ ಕುಗ್ಗಿದಾಗ ಧೈರ್ಯ ತುಂಬುವ, ಗೆಲುವಿನ ಹಾದಿಯಲ್ಲಿ ವಿನಯ ಕಲಿಸುವ ಹಾಗೂ ಮನಸ್ಸಿನ ನಿರಾಶೆಯನ್ನು ದೂರ ಮಾಡುವ ನೈಜ ಮಾರ್ಗದರ್ಶಿಯಾಗಿದೆ. ನೀವು ಜೀವನದ ನಿಜವಾದ ಅಂತರಾರ್ಥವನ್ನು ಕಂಡುಕೊಳ್ಳಲು ಬಯಸಿದ್ದರೆ ಅಥವಾ ನಿಮ್ಮ ಪ್ರೀತಿಪಾತ್ರರಿಗೆ ಅರ್ಥಪೂರ್ಣ ಸಾಹಿತ್ಯಿಕ ಉಡುಗೊರೆ ನೀಡಬೇಕೆಂದಿದ್ದರೆ ‘ಜೀವನಯಾನ’ ಅತ್ಯುತ್ತಮ ಆಯ್ಕೆಯಾಗಿದೆ