ಭವ್ಯ ಭಾರತದ ವೀರ ರಾಣಿಯರು – ಜ್ಞಾನಶ್ರೀ (ಶ್ರೀಮತಿ ಲಕ್ಷ್ಮೀಕಾಂತಮ್ಮ) | Bhavya Bharatada Veera Raniyaroo Kannada Book

ಸಹಸ್ರಾರು ವರ್ಷಗಳ ಇತಿಹಾಸದಲ್ಲಿ ಪುರುಷರ ಸಾಮ್ರಾಜ್ಯ ವಿಸ್ತರಣೆ ಮತ್ತು ದಿಗ್ವಿಜಯಗಳ ನಡುವೆ ಮಹಿಳಾ ಸಾಧಕಿಯರ ಸಾಹಸಗಾಥೆಗಳು ಹೆಚ್ಚಾಗಿ ದಾಖಲಾಗದೇ ಉಳಿದಿವೆ. ಈ ಕೊರತೆಯನ್ನು ನೀಗಿಸುವ ನಿಟ್ಟಿನಲ್ಲಿ ಜ್ಞಾನಶ್ರೀ (ಶ್ರೀಮತಿ ಲಕ್ಷ್ಮೀಕಾಂತಮ್ಮ) ಅವರು ರಚಿಸಿರುವ ಕೃತಿ ‘ಭವ್ಯ ಭಾರತದ ವೀರ ರಾಣಿಯರು’.

ಬ್ರಿಟಿಷರು, ಪೋರ್ಚುಗೀಸರು, ಯವನರು ಸೇರಿದಂತೆ ಪರಕೀಯ ದಾಳಿಕೋರರ ವಿರುದ್ಧ ಕತ್ತಿಝಳಪಿಸಿದ ಕರುನಾಡಿನ ಹಾಗೂ ಭಾರತದ ವೀರ ವನಿತೆಯರ ಇತಿಹಾಸ, ಆಡಳಿತ ನಿಪುಣತೆ ಮತ್ತು ಸಾಂಸ್ಕೃತಿಕ ಕೊಡುಗೆಗಳನ್ನು ಈ ಕೃತಿಯಲ್ಲಿ ಶಾಸ್ತ್ರೋಕ್ತ ದಾಖಲೆಗಳೊಂದಿಗೆ ಪರಿಚಯಿಸಲಾಗಿದೆ.

ಲೇಖಕರ ಬಗ್ಗೆ: ಶ್ರೀಮತಿ ಲಕ್ಷ್ಮೀಕಾಂತಮ್ಮ (ಜ್ಞಾನಶ್ರೀ) ಅವರು ಸಮಾಜಶಾಸ್ತ್ರದಲ್ಲಿ ಸ್ನಾತಕೋತ್ತರ ಪದವೀಧರರು. ಮರಾಠಿಯಿಂದ ಡಾ. ಅಂಬೇಡ್ಕರ್ ಹಾಗೂ ಮಹಾತ್ಮಾ ಗಾಂಧೀಜಿಯವರ ಕುರಿತ ಪ್ರಮುಖ ಕೃತಿಗಳನ್ನು ಕನ್ನಡಕ್ಕೆ ಅನುವಾದಿಸಿದ್ದು, ಕವನ ಸಂಕಲನ, ಕಾದಂಬರಿಗಳು ಹಾಗೂ ಕಥಾಸಂಕಲನಗಳ ಮೂಲಕ ಕನ್ನಡ ಸಾರಸ್ವತ ಲೋಕಕ್ಕೆ ಕೊಡುಗೆ ನೀಡಿದ್ದಾರೆ. ಅಲ್ಲದೆ ‘ವಿಜಯನಗರ ಪ್ರತಿಭಾ ಮಹಿಳಾ ಸಮಾಜ’ ಸಂಸ್ಥೆಯ ಮೂಲಕ ನೂರಾರು ಮಹಿಳೆಯರನ್ನು ಸ್ವಾವಲಂಬಿಗಳನ್ನಾಗಿ ಮಾಡಿದ ಸಮಾಜಸೇವಕಿ.